Psa 57 | NdeIBE | STEP | Kumqondisi wokuhlabela. Itshuni ethi, “Ungabhidlizi.” ElikaDavida. Imikithami. Ngesikhathi ebalekele uSawuli wacatsha ebhalwini. Woba lesihawu kimi, O Nkulunkulu, woba lomusa kimi, ngokuba umphefumulo wami uphelela kuwe. Ngizaphephela ethunzini lamaphiko akho kuze kudlule incithakalo le.

Psalms 57

Kumqondisi wokuhlabela. Itshuni ethi, “Ungabhidlizi.” ElikaDavida. Imikithami. Ngesikhathi ebalekele uSawuli wacatsha ebhalwini.

1 Woba lesihawu kimi, O Nkulunkulu, woba lomusa kimi, ngokuba umphefumulo wami uphelela kuwe. Ngizaphephela ethunzini lamaphiko akho kuze kudlule incithakalo le.

2 Ngiyakhala kuNkulunkulu oPhezukonke, kuNkulunkulu ogcwalisa isimiso sakhe ngami.

3 Uyathumela esezulwini angisindise, abakhwazele labo abafuna ukungilimaza. UNkulunkulu uyehlisa uthando lwakhe lokwethembeka kwakhe.

4 Ngiphakathi kwezilwane; ngilala phakathi kwezilo eziqholozayo abantu abamazinyo abo yimikhonto lemitshoko, abandimi zabo zizinkemba ezibukhali.

5 Mawuphakanyiswe, O Nkulunkulu, ngaphezu kwamazulu; akuthi inkazimulo yakho ibesemhlabeni wonke.

6 Bangithiya ngamambule ezinyaweni – ngaphela amandla ngokudabuka. Bangimbela igodi endleleni – kodwa sebewele kulo bona.

7 Inhliziyo yami ibambelele, O Nkulunkulu, inhliziyo yami ibambelele; ngizahlabela ngenze umsindo omnandi.

8 Vuka, mphefumulo wami! Vuka, chacho lomqangala! Ngizayivusa intathakusa.

9 Ngizakudumisa, O Jehova, phakathi kwezizwe; ngizahlabela ngawe phakathi kwabantu.

10 Ngokuba lukhulu uthando lwakho, lufika emazulwini; ukuthembeka kwakho kufinyelela esibhakabhakeni.

11 Mawuphakanyiswe, O Nkulunkulu, ngaphezulu kwamazulu; akuthi inkazimulo yakho ibesemhlabeni wonke.